Norveç pilotları Polşa hava məkanını qoruyacaq

NATO ölkələri Rusiyanın sərhədinə yaxın dövlətlərdə hərbi mövcudluğunu artırıb. 

"İnformator.az" xəbər verir ki, bu çərçivədə Norveç F-35 qırıcıları bu ay Polşa hava məkanının müdafiəsinə başlayacaq.

Pilotlar pozuntu halında dron və təyyarələri vurmağa hazır olacaq, lakin silah tətbiqi qərarı alyansın komandirliyi tərəfindən veriləcək.

Norveç müdafiə nazirinin müavini Andreas Flaam bildirib ki, missiyanın əsas məqsədi NATO ərazilərini hava təhdidlərindən qorumaqdır. Şərqi Flanqda nəzarət gücləndirilib, alyansın hərbi mövcudluğu əhəmiyyətli dərəcədə artırılıb.

Pilotlar Poznan yaxınlığında yerləşəcək və düşmən obyektləri hava məkanına daxil olduqda məhv etməyə hazır olacaq. Bütün situasiyalarda qərarı NATO-nun Avropadakı ali komandirliyi verəcək və müxtəlif vasitələrdən istifadə olunacaq.