On minlərlə insan Çarli Kirkə vida etmək üçün gəlib

ABŞ-də siyasi aktivist Çarli Kirk ilə vidalaşırlar. Arizona ştatındakı State Farm stadionunun qarşısında Kirkə vida etmək istəyənlərin böyük növbəsi yaranıb. ABŞ-də Çarli Kirk dəfn olunur. On minlərlə insan konservativ aktivistin xatirəsini yad etmək üçün toplaşıb.

İctimai matəm mərasimi Finiks şəhərinin yaxınlığında yerləşən State Farm stadionunda keçirilir. KİV-in qiymətləndirməsinə görə, təxminən 100 min nəfərin iştirakı gözlənilir.

Məşhur çıxışçılar arasında ABŞ prezidenti Donald Tramp da var. O, Kirk-in 2024-cü il seçkilərindəki qələbəsində mühüm rol oynadığını hesab edir. Eyni zamanda “Amerikanı yenidən böyük edək” hərəkatının digər tanınmış simaları – vitse-prezident C. D. Vens, müdafiə naziri Pit Hegset və səhiyyə və sosial xidmətlər naziri Robert F. Kennedi kiçik də çıxış edəcəklər.

“Bu gün biz böyük bir insanın xatirəsini yad edəcəyik”, – deyə Tramp bazar günü səhər Ağ evi tərk edərkən jurnalistlərə bildirib. O, mərasim üçün Arizona ştatına yola düşüb və əlavə edib: “Bu, çətin bir gün olacaq”.

Euronews

Fatimə Heydərova