Pakistanda helikopterin qəzaya uğraması nəticəsində 5 nəfər həyatını itirib

Pakistandakı Gilgit-Baltistan bölgəsində helikopterin qəzaya uğraması nəticəsində ilkin məlumata görə 5 nəfərin həyatını itirdiyi bildirilib.

“Dawn” qəzetinin xəbərinə görə, Gilgit-Baltistan sözçüsü Fəyzullah Faraq hadisənin Çilas qəsəbəsində baş verdiyini bildirib.

Bölgə polisindən Abdul Həmid isə bölgə rəhbərliyinə məxsus helikopterin yeni uçuş-enmə zolağında eniş sınağı etdiyi vaxt qəzaya uğradığını və ilkin məlumata görə 5 nəfərin həyatını itirdiyini açıqlayıb.

Onun sözlərinə görə, qəzadan dərhal sonra polis və axtarış-xilasetmə qrupları hadisə yerinə cəlb olunub.

Qəzanın səbəbi ilə bağlı təfərrüatlar açıqlanmasa da, bəzi rəsmilər hadisənin “texniki nasazlıq” səbəbindən baş verdiyini bildirirlər.

TRT XƏBƏR
Lalə Qurbanlı