Palandökəndə xizək həyəcanı başlayır!

Yığılan qar ehtiyatlarının yamaclara yayılması və süni qar texnologiyasının tətbiqi sayəsində Palandökəndə xizək mövsümü tezliklə başlayır. Keçən mövsüm dağlardan toplanan qar günəşdən qorunan ərazilərdə brezentlə örtülərək və süni qar istehsalı sistemi vasitəsilə qorunub saxlanılıb.

Türkiyədə mövsümü ən tez açan və ən gec bağlayan xizək mərkəzi kimi tanınan Palandöken Xizək Kurortunda, uzunluğu 1 km-dən 14 km-ə qədər dəyişən 55 yamac xizəkçilərin istifadəsinə hazır vəziyyətə gətirilir.

Ərzurum Böyükşəhər Bələdiyyəsinin törəmə qurumu Ejder3200 AŞ-nin komandaları ötən ildən saxlanılan qar kütlələrini yamaclara yayır. Temperaturlar uyğun olduqda isə süni qar istehsalı fasiləsiz davam edir. Gecə-gündüz yaradılan süni qar və yağan təbii qar qar yığınları şəklində toplanaraq xüsusi nəqliyyat vasitələri ilə yamaclara daşınır.

Beləliklə, Palandökəndə yeni xizək mövsümü üçün hazırlıqlar sürətlə davam edir.

TRT XƏBƏR 

Ləman Mahmudlu