Parubiy Rusiyanın siyahısında idi

Ukrayna Ali Radasının keçmiş rəhbəri Andrey Parubiy 2022-ci ildə Rusiyanın Ukraynaya genişmiqyaslı işğalı başlamazdan əvvəl Kremlin öldürmək istədiyi şəxslərin siyahısında idi.

"İnformator.az" xəbər verir ki, bunu ukraynalı deputat İrina Geraşenko mediaya açıqlamasında deyib. Deputat jurnalistin “Doğrudurmu, xalq deputatının qətlində şübhəli bilinən şəxs oğlunun meyitinin ona qaytarılacağına dair vəd müqabilində cinayəti törətməyə razılaşıb?” sualını cavablandırıb:

"İlk dəqiqələrdən anladıq ki, bunun arxasında Moskva dayanır. Silahı qatilin əlinə kim qoyubsa, bunun arxasında mütləq Moskva dayanıb".