Pentaqon rəhbərliyi Qvanticoda təcili toplantıya çağırılıb
ABŞ Müdafiə naziri Pit Hegseth gələn həftə bütün dünyadan yüksək rütbəli hərbi rəhbərləri Virciniya ştatının Qvanticoya təcili toplantıya çağırıb. Bu qədər qısa müddətdə verilən qərar generallar və admirallar arasında qeyri-müəyyənlik yaradıb.
Pentaqon sözçüsü Şon Parnell yalnız “Müharibə naziri gələn həftənin əvvəlində hərbi rəhbərlərə müraciət edəcək” deməklə kifayətlənib. Toplantının səbəbi və iştirakçı sayı açıqlanmayıb.
Hegseth son aylarda hərbi rəhbərlikdə ciddi dəyişikliklər aparıb. O, fevralda ABŞ Silahlı Qüvvələrinin Baş Qərargah rəisi, general K.Q. Braun da daxil olmaqla bir neçə yüksək rütbəli zabiti vəzifədən azad edib. May ayında isə dördulduzlu generalların sayını 20 faiz azaltmaq barədə göstəriş verib.
Müşahidəçilərin fikrincə, toplantının məqsədi hələlik bəlli olmasa da, bu qədər yüksək rütbəli zabitin eyni vaxtda bir araya gətirilməsi nadir hadisədir.
Reuters
Sura Əliyeva
