" PfE qrupu ID-nin 4,3 milyon avroluq borcuna görə məsuliyyət daşıya bilər"

Avropa Parlamentinin Büdcə Nəzarəti Komitəsi (CONT) qərara gəlib ki, əvvəlki çağırışda fəaliyyət göstərmiş İdentity and Democracy (ID) qrupunun 4,3 milyon avrodan çox vəsaiti qanunsuz xərcləməsinə görə yeni yaradılan Patriots for Europe (PfE) qrupu məsuliyyət daşıya bilər.

Komitənin fikrincə, ID və PfE arasında “iqtisadi davamlılıq” var: eyni üzvlərin çoxu, rəhbər heyət və strukturun davamlılığı mövcuddur. Həmçinin ID Partiyasının adının “Patriots.eu” olaraq dəyişdirilməsi də bu əlaqəni göstərir.

Son qərarı Avropa Parlamentinin Bürosu verəcək. PfE isə bunu “əsassız və siyasi motivli hücum” adlandırıb.

Euronews

Billurə Quliyeva