Polşa və Rumıniyanın ardınca Rusiya da Estoniyanın hava məkanını yenidən pozub
Üç döyüş təyyarəsinin icazəsiz Estoniya hava məkanına girdiyi və ümumilikdə 12 dəqiqə ərazidə qaldığı açıqlanıb.
Estoniya Xarici İşlər Nazirliyinin bəyanatına görə, pozuntu Finlandiya körfəzi üzərində baş verib. Rusiyaya məxsus 3 döyüş təyyarəsi icazəsiz Estoniya hava məkanına daxil olub və ümumilikdə 12 dəqiqə orada qalıb.Estoniya Rusiyanın Tallinndəki müvəqqəti işlər vəkilini nazirliyə çağırıb və hava məkanının pozulması ilə bağlı etiraz notası təqdim edib.
Estoniyanın xarici işlər naziri Margus Tsahkna, "Rusiya bu il dörd dəfə Estoniyanın hava məkanını pozdu ki, bu da özlüyündə qəbuledilməzdir. Lakin bu gün üç döyüş təyyarəsi ilə hava məkanımızı pozması görünməmiş bir cəsarətdir". Tsahkna vurğuladı ki, Rusiyanın sərhədə nəzarəti gücləndirməsi və artan təcavüzü artan siyasi və iqtisadi təzyiqlə qarşılanmalıdır.
Digər tərəfdən, Estoniya Müdafiə Qüvvələri də pozuntunu təsdiqləyib.
HART: NATO dərhal cavab verib.
NATO sözçüsü Allison Hart Rusiyanın Estoniyanın hava məkanını pozması ilə bağlı açıqlama verib. Hart, "Rusiya təyyarələri bu gün səhər saatlarında Estoniyanın hava məkanını pozdu. NATO dərhal cavab verdi və Rusiya təyyarəsini ələ keçirdi" dedi. Sözçü qeyd edib ki, bu hadisə “rusların ehtiyatsız davranışı”nın və NATO-nun cavab vermək qabiliyyətinin növbəti nümunəsidir.
Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallas bunu “son dərəcə təhlükəli təxribat” kimi qiymətləndirib.
Kallas, Aİ-nin Estoniya ilə tam həmrəyliyini vurğulayaraq, "Bu, son günlərdə AB-nin hava məkanının üçüncü dəfə pozulmasıdır və regionda gərginliyi daha da artırır" dedi.
"Putin Qərbin qətiyyətini sınayır. Biz zəiflik nümayiş etdirməməliyik", - Kallas deyib.
Polşa və Rumıniyanın hava məkanı da pozulub
Polşa sentyabrın 9-da Rusiyanın pilotsuz uçuş aparatlarının (PUA) hava məkanını pozduğunu bildirdi və NATO birgə cavab tədbiri elan etdi. Daha sonra Rumıniyanın hava məkanında Rusiyaya məxsus PUA da aşkarlanıb.
Haber Qlobal
Gülay Səlifova
