Polşada PUA insidenti ilə bağlı BMT TŞ-nin iclası sentyabrın 12-də keçiriləcək

PUA insidenti ilə bağlı Varşavanın tələbi ilə çağırılan BMT Təhlükəsizlik Şurasının (TŞ) fövqəladə iclası sentyabrın 12-də keçiriləcək.

"İnformator" xəbər verir ki, bu barədə PAP agentliyinə Polşanın BMT-dəki daimi nümayəndəsi Kşiştof Şerski məlumat verib.

"BMT Təhlükəsizlik Şurasının fövqəladə iclası cümə günü Polşa vaxtı ilə saat 21:00-da (Bakı vaxtı ilə 23:00-da - red.) keçiriləcək", - agentlik onun sözlərindən sitat gətirib.