Prezident Ərdoğan: Türkiyə hər zaman müharibənin deyil, sülhün tərəfindədir

Türkiyə Prezidenti Recep Tayyip Ərdoğan deyib:
“Bizim İran böhranı ilə bağlı mövqeyimiz tam aydın və dəqiqdir. Türkiyə hər zaman müharibənin deyil, sülhün tərəfindədir.”

Prezident Ərdoğan AK Parti Konqres Mərkəzində keçirilən “AK Parti Keçmiş Dövr Millət Vəkilləri, MYK Üzvləri və Qrup ilə İftar Proqramı”nda çıxış edib.

Orada iştirakçıları salamlayan Ərdoğan deyib:

“Qəlblərimizi bir-birinə bağladığımız bu qardaşlıq süfrəsində, bu gözəl Ramazan axşamında bir araya gəlməyimizə və həsrətimizi aradan qaldırmağımıza səbəb olan Baş Mərkəzdəki dostlarımıza təşəkkürümü bildirirəm. Vəfa hissi ətrafında toplandığımız bu süfrənin birliyimizi, bərabərliyimizi, həmrəyliyimizi və qardaşlığımızı daha da gücləndirməsini arzulayıram. Əvvəlcə sizin, ailələrinizin, əziz millətimizin və İslam aləminin mübarək Ramazanını ürəkdən təbrik edirəm”.

TRT Haber
Səadət Əlizadə