PUA hücumu: Rusiyada bu zavod fəaliyyətini dayandırıb

Rusiyanın Ust-Luqadakı ən böyük qaz-kimya kompleksi dron zərbəsi səbəbilə fəaliyyətini dayandırıb.

"İnformator.az" xəbər verir ki, bu barədə “Röyters” məlumat yayıb.

Məlumatda bildirilir ki, “Novatek” şirkətinin Ust-Luqa limanındakı qaz kondensatı emalı zavodu dron hücumu nəticəsində zədələnib və fəaliyyətini tam dayandırıb.

Qeyd edək ki, Ukrayna ordusunun bazar günü endirdiyi zərbələr nəticəsində “Novatek” şirkətinə məxsus qaz emalı kompleksində güclü yanğın başlayıb.