Putin Əliyevin bütün tələblərini qəbul edib!

Rusiya AZAL-ın vurulan təyyarəsi ilə bağlı Azərbaycanın bütün tələblərini qəbul edib.

"İnformator.az" xəbər verir ki, Düşənbə görüşündə Əliyevlə görüşən Putin AZAL-ın təyyarəsinin vurlmasına görə başsağlığını bir daha çatdırıb və hadisə baş verdiyi vaxt üzr istədiyini xatırladıb. Hadisə ilə bağlı araşdırmanın yaxın vaxtda başa çatacağını deyən Putin diqqəti “kənar müdaxilə” üzərinə yönəltməyə çalışdı. Bu, məsuliyyəti müəyyən qədər də olsa, bölüşdürmək məqsədi daşıyır.

Putin bildirib ki, Rusiyanın hava məkanına müdaxilələr olub və Hərbi Hava Qüvvələri buna qarşı atəş açıb. AZAL-ın təyyarəsi hədəf kimi seçilməsə də, atəş açılan vaxt qəlpələrə tuş gəlib.

Azərbaycan da qəza baş verən ilk gündən bu mövqedən çıxış edirdi: Rusiya AZAL-ın təyyarəsini hədəf olaraq seçməyib, lakin HHQ-nin səhvləri nəticəsində böyük faciə baş verdi və buna görə Moskva Bakının üç haqlı tələbini qəbul etməlidir.

1. Baş verənlərə görə Azərbaycandan üzr istənilməli;

2. Kompensasiya ödənilməli;

3. Günahkarlar cəzalandırılmalıdır;

Putinin hadisə baş verən vaxt Əliyevlə telefon danışığında üzr istəməsi ilə birinci tələb yerinə yetirilsə də, Moskva digər iki tələbə məhəl qoymamaq siyasəti sərgiləyirdi. Buna paralel olaraq, tələblərindən geri çəkilməsi üçün informasiya və siyasi müstəvidə Bakıya təzyiqlər edilib. Hərçənd, Əliyev bütün təzyiqlərə baxmayaraq, ilk gündə sərgilədiyi mövqeyindən geri çəkilməyib. Və nəhayət, Azərbaycanın iki tələbinin – kompensasiya ödənilməsi və günahkarların cəzalandırılması, icra ediləcəyi Əliyevlə görüşdə birbaşa Putin tərəfindən qəbul olunub.

Bu nəticənin əldə edilməsində Əliyevin prinsipial mövqeyi həlledici amil olub.