Putin niyə Trampın təklifini qəbul etməyib?

Rusiya Prezidenti Vladimir Putin ABŞ lideri Donald Trampın ona təklif etdiyi kifayət qədər səxavətli sazişlə razılaşmaq əvəzinə, Ukraynaya qarşı qanlı müharibəsini davam etdirməyə qərar verib.

"İnformator.az" "Axar.az"a istinadən xəbər verir ki, bu fikirləri britaniyalı yazıçı və tarixçi Ouen Metyuz bildirib.

O qeyd edib ki, cəbhədə Rusiya hər gün bir neçə kvadrat kilometr sahəni ələ keçirmək üçün minə qədər hərbçisini itirir:

“Bəs Putin nəyə ümid edir ki, sülh əvəzinə müharibəni seçir? Ən mümkün cavab onun və yaxın ətrafının daxil olduğu informasiya “balonu”nda gizlənir. O, müharibəni davam etdirir, çünki onun generalları və təhlükəsizlik xidməti rəhbərləri onu bu müharibəni uda biləcəyinə və ya ən azından döyüşərək strateji baxımdan mühüm qələbələr qazanmağa davam edə biləcəyinə inandırıblar”, – deyə Metyuz vurğulayıb.