Putin Trampa bildirib ki, hücuma keçəcək

Rusiya Prezidenti Vladimir Putin amerikalı həmkarı Donald Trampla son telefon danışığı zamanı yaxın bir neçə ay ərzində Ukraynanın şərqinə hücum planlaşdırdığını açıqlayıb.

"İnformator.az" Axar.az-a istinadən xəbər verir ki, bu barədə “Axios” portalı mənbələrə istinadən məlumat yayıb.

Məlumata görə, Putin vəziyyəti daha da gərginləşdirmək niyyətində olduğunu hiss etdirib:

“Rusiya qarşıdakı 60 gün ərzində Moskvanın əhəmiyyətli mövqelərə malik olduğu regionların inzibati sərhədlərinə çatmaq üçün yeni səylər göstərmək niyyətindədir. Putinlə danışdıqdan sonra Tramp Fransa Prezidenti Emmanuel Makrona zəng edərək bildirib ki, Rusiya prezidenti hər şeyi ələ keçirmək istəyir”.