Qazzədə 16 fələstinli ölüb

Səhər saatlarından etibarən soyqırım törədən İsrail ordusu Qəzza zolağının şimalında yerləşən Qazzə şəhərinin müxtəlif bölgələrinə hücumlara başlayıb. Fələstinin rəsmi xəbər agentliyi WAFA-nın məlumatına görə, İsrail ordusu Qazzə şəhərinin müxtəlif yerlərində köçkünlərə sığınan evlərə və çadırlara hücum edib.

İsrail döyüş təyyarələrinin Qazzə şəhərinin mərkəzindəki Derej məhəlləsində bir evi hədəf alması nəticəsində 3 nəfər ölüb, 7 nəfər yaralanıb. Qazzə şəhərinin cənub-qərbində yerləşən Rimal məhəlləsindəki İslam Universitetinin daxilində köçkünlərə sığınan çadır İsrail ordusunun hədəfinə çevrilib. Hücum nəticəsində 3 nəfər həlak olub. İsrailin pilotsuz təyyarələrinin Rimal məhəlləsində çadır və evlərə endirdiyi zərbələr nəticəsində də 3 nəfər həlak olub.

Tel əl-Hava məhəlləsində bir mənzilin bombalanması nəticəsində 3 fələstinli həlak olub.

İsrail döyüş təyyarələri Selasini küçəsindəki mənzili bombalayıb. Hücum nəticəsində iki fələstinli həlak olub.Şəhərin qərbində Əl-Əzhər Universitetinin kəsişməsində köçkünlərə sığınan çadır İsrail ordusunun hədəfinə çevrilib. Hücum nəticəsində 2 nəfər ölüb, çoxlu sayda insan yaralanıb.

TRT haber
Aydan Məmmədova