Qlobal Qərarlılıq Donanması Binzert limanına gedəcək

Qlobal Qərarlılıq Donanması İsrailin Qəzzəyə tətbiq etdiyi blokadanı yarmaq üçün nəzərdə tutulan hərəkətindən öncə Tunisin Sidi Busaid limanından ölkənin şimalındakı Binzert limanına gedəcəyini açıqlayıb.

Donanmanın Tunis nümayəndə heyətinin üzvü Dr. Məhəmməd Emin Binnur Tunisin rəsmi xəbər agentliyi TAP-a açıqlamasında bildirib ki, Sidi Busaid limanındakı hazırlıq prosesi hələ başa çatmayıb və hava şəraiti kiçik və orta ölçülü qayıqların Aralıq dənizində hərəkəti üçün uyğun olmayıb.

Binnur deyib ki, Qəzzəyə doğru yola çıxış iki gün təxirə salınıb və hazırlıqlar Binzert limanında tamamlanacaq.

Donanma iştirakçılarından və Mağrib Qərarlılıq Karvanı İcraiyyə üzvü Nəbil Şennufi isə dünən verdiyi açıqlamada deyib: “Əslində donanmanın bu gün yola çıxması planlaşdırılmışdı, lakin mütəxəssislərdən aldığımız hava proqnozlarına görə hava şəraitinin əlverişsiz olacağı bildirildi. Buna görə də qayıqların limandan çıxışı sabaha ertələnib". 

TRT XƏBƏR

Sura Əliyeva