Qlobal Səmud Donanmasına dron hücumu

Birləşmiş Millətlər Təşkilatının (BMT) Fələstin üzrə xüsusi məruzəçisi Françeska Albanese, İsrail blokadasını yarmaq məqsədilə Qəzzaya doğru hərəkət edən Qlobal Səmud Donanmasının əsas gəmisinin Tunis limanında pilotsuz uçuş aparatlarının (PUA) hücumuna məruz qaldığını bildirib.

Albanese, ABŞ mərkəzli “X” sosial media platformasında yaydığı açıqlamada, 31 avqustda İspaniyadan yola çıxan donanmanın Tunis limanına çatmazdan əvvəl hücuma məruz qaldığını vurğulayıb. O, hücum nəticəsində donanmanın əsas gəmisinin zərər gördüyünü, limana istiqamətlənən digər iki qayığın isə təcili mühafizəyə ehtiyac duyduğunu qeyd edib.

TRT XƏBƏR
Ləman Mahmudlu