Qəzza açıqlaması

ABŞ Prezidenti Donald Tramp, İsrail əsgərlərinin “Sumud” flotiliyasına hücumundan sonra ilk dəfə danışıb. O, Qəzza zolağında sülh təmin edəcəyini və daha sonra Rusiya-Ukrayna müharibəsini bitirəcəyini bildirib: “Qəzzədən daha artığına nail olacağıq. Qəzzəyə əlavə olaraq ümumi sülhə də çatacağıq”, – deyə Tramp vurğulayıb.

ABŞ Prezidenti Donald Tramp “One America News Network” kanalına verdiyi müsahibədə gündəmlə bağlı fikirlərini bölüşüb. İkinci dəfə prezidentlik vəzifəsinə gəldiyindən bəri “7 müharibəni bitirdiyini” xatırladan Tramp, tezliklə bu sayın 8-ə çatacağını qeyd edib.

Ağ Ev Trampın 20 bənddən ibarət olan “Qəzza münaqişəsini bitirəcək hərtərəfli plan” adlı təklifini açıqlayıb. Tramp, Ağ Evdə qəbul etdiyi İsrailin Baş naziri Binyamin Netanyahu ilə birgə keçirdiyi mətbuat konfransında bildirib ki, plan tərəflər tərəfindən qəbul ediləcəyi halda müharibə dərhal sona çatacaq, İsrail Qəzzadan mərhələli şəkildə geri çəkiləcək, Qəzzədə HƏMAS-ın rolunun olmadığı yeni bir proses başlayacaq və bütün əsirlər azad ediləcək. Netanyahu isə planın “müharibə məqsədlərini həyata keçirdiyini” bildirərək, ona dəstək verdiyini açıqlayıb.

Haberler.com

Aygün Babayeva