“Qəzza xəstəxanaları bir neçə saata məzarlığa çevrilə bilər”

Qəzzadakı Şifa Xəstəxanasının direktoru Məhəmməd Əbu Silmiyye bölgədə ciddi yanacaq çatışmazlığı yaşandığını bildirib. Onun sözlərinə görə, elektrik enerjisi olmadan xəstəxanaların fəaliyyəti mümkün deyil:

“Generatorlar dayandığı anda əsl fəlakət başlayacaq. Xəstəxanalar insanların həyatını xilas edən mərkəzlər deyil, qəbiristanlıqlara çevriləcək”, – deyə Əbu Silmiyye xəbərdarlıq edib.

O, generatorların fasiləsiz işləməsi üçün gündəlik 1500-1700 litr yanacağa ehtiyac olduğunu, lakin hazırda bu ehtiyacın ödənilmədiyini deyib:

“Hazırda əldə etdiyimiz yanacağın miqdarı 1000 litri belə keçmir və bu da cəmi bir neçə saatlıq kifayət edir”, – deyə o bildirib.

Əbu Silmiyye əlavə edib ki, Ümumdünya Səhiyyə Təşkilatının nümayəndələri ilə vəziyyəti müzakirə ediblər və təşkilat da bölgədəki xəstəxanaların dağılma təhlükəsi ilə üz-üzə olduğunu təsdiqləyib.

TRT XƏBƏR
Mahmudlu Ləman