Qəzza Zolağında İsrail Hücumları: Ölü Sayı 64 300-ə Çatıb

Qəzza – İsrailin 7 Oktyabr 2023-cü ildən bəri Qəzzə Zolağına etdiyi hücumlarda həyatını itirənlərin sayı son 24 saatda 69 nəfər artaraq 64 300-ə çatıb.

Qəzzada Səhiyyə Nazirliyindən verilən yazılı açıqlamada, İsrailin davam edən hücumlarında baş verən ölüm və yaralanmalarla bağlı son məlumatlar paylaşılıb. Son 24 saatda Qəzzə xəstəxanalarına 69 ölü və 422 yaralının gətirildiyi bildirilib.

İsrail ordusunun 19 yanvarda əldə olunan atəşkəsi pozaraq 18 martdan bəri həyata keçirdiyi hücumlarda 11 768 Fələstinlinin həyatını itirdiyi, 49 964 nəfərin yaralandığı qeyd olunub.

Son 24 saatda humanitar yardım üçün gözləyənlərin hədəfə alındığı hücumlarda 6 Fələstinli həyatını itirib, 190 nəfər yaralanıb. Həmçinin, İsrail-ABŞ nəzarətindəki “yardım paylama” məntəqələrində Fələstinlilərin hədəfə alındığı sistematik hücumlarda 27 maydan bəri öldürülənlərin sayı 2 362-yə, yaralananların sayı isə 17 434-ə çatıb.

Qəzza Zolağında 7 Oktyabr 2023-dən bəri ümumi ölü sayı 64 300-ə, yaralı sayı isə 162 005-ə yüksəlib. Bölgədə dağıntılar altında hələ də minlərlə insanın olduğu bildirilir.

Açlıqdan Ölənlər – Qəzzada Fələstin Səhiyyə Nazirliyinin baş direktoru Munir əl-Burş yazılı açıqlamasında son 24 saatda 3-ü uşaq olmaqla 6 Fələstinlinin açlıq və yetərsiz qidalanma səbəbindən öldüyünü bildirib. Burş qeyd edib ki, 7 Oktyabr 2023-dən bəri açlıqdan ölənlərin sayı 134-ü uşaq olmaqla 376-ya çatıb.

Haber Global 

Sura Əliyeva