Qəzzada 1,2 milyon uşaq İsrailin hücumları səbəbindən “kəskin ərzaq çatışmazlığı” yaşayır

Qəzza zolağında 1,2 milyon uşaq İsrailin “aclıq siyasəti” nəticəsində kəskin ərzaq çatışmazlığı ilə üzləşib. 2023-cü il 7 oktyabrda başlayan soyqırımdan bəri qidalanma çatışmazlığı səbəbindən 235 nəfər, o cümlədən 106 uşaq həyatını itirib. Bu barədə Qəzza zolağındakı Fələstin hökumətinin mətbuat xidməti məlumat yayıb.

Fələstin rəsmiləri bildiriblər ki, İsrailin hücumları və blokadası altındakı Qəzza zolağı “misilsiz humanitar fəlakət” yaşayır.

Məlumata görə, humanitar böhran Qəzzada yaşayan 2,4 milyon insanın ərzaq və dərman ehtiyaclarını ödəmək imkanını əlindən alıb.

Anadolu Agency
Ayan Əsgərova