Qəzzada son 24 saatda həyatını itirənlərin sayı 62 min 895-ə çatıb

İsrailin 2023-cü il 7 oktyabr tarixindən bəri Qəzza Zolağına həyata keçirdiyi hücumlarda həyatını itirənlərin sayı son 24 saatda 76 nəfər artaraq 62 min 895-ə yüksəlib.

Qəzza Səhiyyə Nazirliyinin yaydığı yazılı açıqlamada, İsrailin davam edən hücumları nəticəsində baş verən itkilər və yaralanmalarla bağlı son məlumatlar paylaşılıb.

Son 24 saat ərzində Qəzza Zolağındakı xəstəxanalara 76 nəfərin meyiti və 298 yaralı gətirilib.

Qeyd olunub ki, İsrail ordusunun atəşkəsi pozduqdan sonra 18 martdan bəri həyata keçirdiyi hücumlarda 11 050 fələstinli ölüb, 46 886 nəfər yaralanıb.

Son 24 saatda humanitar yardım üçün gözləyənlərin hədəfə alındığı hücumlarda 18 fələstinli həyatını itirib, 106 nəfər yaralanıb.

İsrail-ABŞ dəstəyi ilə “saxta yardım paylama məntəqələri”ndə fələstinlilərin hədəf alındığı sistemli hücumlarda 27 maydan bəri 2 158 nəfər öldürülüb, 15 843 nəfər yaralanıb.

İsrailin 2023-cü il 7 oktyabrdan bəri Qəzza Zolağına endirdiyi hücumlarda ölənlərin ümumi sayı 62 895, yaralananların sayı isə 158 927-dir.

Son 24 saatda xəstəxanalarda, uşaqların da daxil olduğu 10 nəfər pis qidalanma və aclıq səbəbindən ölüb, aclıqdan ölənlərin ümumi sayı 313, onlardan 119-u uşaqdır.

TRT XƏBƏR
Lalə Qurbanlı