Qəzzanı tərk edən fələstinlilərin sayı 300 minə çatıb

İsrailin hücum öncəsi xəbərdarlığından sonra 300 mindən çox sakin Qəzzanı tərk edib.

"İnformator.az" xəbər verir ki, bu barədə İsrail Müdafiə Qüvvələrinin məlumatında deyilir.

Məlumata əsasən, 300 mindən çox fələstinli Qəzza şəhərindən zolağın digər ərazilərinə təxliyə edilib.

Qeyd olunub ki, şəhərdə 1 milyona yaxın insan yaşayır və hərbçilərin fikrincə, evakuasiya gözlənildiyindən də ləng gedir.

Xatırladaq ki, ötən gün şəhəri tərk edənlərin sayının 250 minə çatdığı açıqlanıb.