Qəzzaya endirilən İsrail zərbələri nəticəsində azı 104 nəfər ölüb

İsrailin ötən gecə Qəzzaya endirdiyi hava zərbələri ən azı 104 fələstinlinin, o cümlədən 35 uşağın ölümünə səbəb olub. Bu, ABŞ vasitəçiliyi ilə əldə olunan atəşkəsin başlanğıcından bəri ən ölümcül gün hesab edilir. Hücumlar Donald Trampın atəşkəsin pozulmayacağını bildirməsindən bir neçə saat sonra həyata keçirilib.

Qəzza Mülki Müdafiə xidməti xərçəng xəstələri üçün nəzərdə tutulmuş Insan düşərgəsinin də vurulduğunu açıqlayıb. İsrail Baş naziri Netanyahu, fələstinli döyüşçülərlə israilli əsgərlər arasında baş verən toqquşmadan sonra zərbələri əmr edib və Hamasın atəşkəsi pozduğunu iddia edib. Ultra-sağ siyasətçilər isə yenidən müharibənin başlanmasını tələb edirlər.

Hücumlar nəticəsində Hamas bir girovun qalıqlarının qaytarılmasını təxirə salıb. Tramp isə İsrailin özünü müdafiə etmək hüququ olduğunu deyib. Qəzza tərəfi bu bombardmanı “atəşkəsin açıq şəkildə pozulması” adlandırıb.

Atəşkəs razılaşmasına əsasən, Hamas israilli girovların qalıqlarını qaytarmalı, İsrail isə hər bir israilliyə qarşılıq 15 fələstinlinin cəsədini təhvil verməlidir. Hamas bəzi qalıqların yerini bomba zərbələri səbəbindən bilmədiyini açıqlayıb. İsrail isə Hamasın tərksilahını müharibənin bitməsi üçün əsas şərt hesab edir.


The Guardian
Eslanda Kulieva