Ərdoğan: “Minimum əməkhaqqı məsələsində işəgötürən məsuliyyət göstərməlidir”

Prezident Rəcəb Tayyib Ərdoğan bildirib ki, Minimum Əməkhaqqı Müəyyənləşdirmə Komissiyasının işə başlaması ilə hökumət ədalətli qərar gözləyir. O, işəgötürənləri təmsil edən Türkiyə İşəgötürənlər Təşkilatları Konfederasiyasının (TİSK) prosesdə fəal rol almasının vacibliyini vurğulayıb və işçilər üçün atılan müsbət addımların uzun müddətdə həm məhsuldarlığa, həm də gəlirlərə töhfə verəcəyini qeyd edib.

Ərdoğan iqtisadi göstəricilərin yaxşılaşdığını, inflyasiyanın aşağı düşmə tendensiyasına keçdiyini, ixracın və milli gəlirin artdığını bildirib. O, kiçik və orta sahibkarlara göstərilən dəstəyin davam edəcəyini və iş qəzalarının qarşısının alınmasında işəgötürənlərin məsuliyyətinin mühüm rol oynadığını da diqqətə çatdırıb.

TRT Xəbər

Mələk Hüseynova