Rusiya Aİ-nin dondurulmuş aktivləri Ukraynaya vermək planına etiraz edib

Aİ Ukraynanın büdcə çatışmazlığını bağlamaq üçün Rusiyanın dondurulmuş aktivlərini kredit kimi istifadə etməyi planlaşdırıb. Brüssel bunu Ukraynanın iqtisadiyyatını dəstəkləyən ədalətli mexanizm kimi qiymətləndirib. Rusiya buna cavab verib Moskva məhkəməsində Euroclear-a qarşı iddia qaldırıb və prosesi “oğurluq” adlandırıb.

Belçika planın hüquqi və maliyyə baxımından yüksək risk daşıdığını bildirib və Euroclear üçün tam təminat tələb edib. Aİ liderləri növbəti həftə Brüsseldə planın yekun variantını razılaşdırmağa çalışacaq. Paralel olaraq Aİ Rusiyanın Mərkəzi Bankının Avropadakı aktivlərini müddətsiz dondurub saxlamağa hazırlaşıb.

Ukrayna isə aktivlərin yenidənqurma və müdafiə üçün istifadəsini “tam ədalətli” sayıb və prosesin sürətləndirilməsini gözləyib.

BBC
Reyhan Quliyeva