Rusiya Moldovada sabitliyi poza bilməyib

Rusiya Moldovada sabitliyi poza bilmədi və onun partlayıcı təsiri daha yayılmayacaq.

"İnformator.az" xəbər verir ki, bunu Ukrayna Prezidenti Vladimir Zelenski Moldovodakı parlament seçkilərinin nəticələri ilə bağlı deyib.

“Rusiya Moldovanın sabitliyini pozmaq üçün nəhəng resurslar xərclədi və bacardığı hər kəsə rüşvət verdi, amma yenə də sabitliyi poza bilmədi”, - Zelenski bildirib.

Qeyd edək ki, Moldovada Prezident Maya Sandunun Fəaliyyət və Həmrəylik Partiyası (PAS) ölkədə keçirilən parlament seçkilərində qalib gəlib.