Rusiyada təyyarə qəzaya uğrayıb
Saratov vilayətinin Yerşovski rayonunda kiçik təyyarə elektrik xəttinə toxunaraq əkin sahəsinə düşüb və yanıb. Pilot ağır vəziyyətdə xəstəxanaya yerləşdirilib.
"İnformator.az" xəbər verir ki, bu barədə regional hökumətin təhlükəsizlik departamentinin rəhbəri Yuri Yurin Teleqram kanalında məlumat yayıb.
O bildirib ki, Fövqəladə Hallar Nazirliyinin əməkdaşları hadisə yerində işləyir, qəzanın hansı şəraitdə baş verməsi araşdırılır.
