Rusiyanın daha bir neft emalı zavodu vurulub
Ukrayna ordusu Rusiyanın Krasnodar diyarındakı İlsk neft emalı zavoduna zərbələr endirib.
"İnformator.az" xəbər verir ki, bu barədə Ukrayna Teleqram kanalları məlumat yayıb.
Məlumata görə, PUA zərbələri nəticəsində zavodda güclü yanğınlar baş verib. Ukrayna Baş Qərargahı İlsk neft emalı zavoduna zərbələri təsdiqləyib. Qeyd edək ki, İlsk neft emalı zavodu illik 6.42 milyon ton neft emal etmək gücünə malikdir və Rusiya ordusunu yanacaqla təmin edən əsas müəssisələrdən biridir.
