Rusiyanın neft-qaz gəlirləri azalıb

İyun ayının yekunların görə, Rusiya büdcəsinin neft-qaz gəlirləri 494,8 milyard rubl təşkil edib ki, bu da 2023-ci ilin yanvar ayından sonra ən aşağı göstəricidir.

"İnformator.az" "Teleqraf"a istinadən xəbər verir ki, bu barədə Rusiya Maliyyə Nazirliyi məlumat yayıb.

Nazirlik qeyd edib ki, may ayı ilə müqayisədə gəlirlər təxminən 18 milyard rubl azalıb. Həmçinin qaz və qaz kondensatının satışından əldə edilən vəsaitlərin daxilolmalarında da azalma qeydə alınıb.