Rusiyaya qarşı enerji sanksiyalarının ləğvi təklif edilir

ABŞ Prezidentinin xüsusi nümayəndəsi Stiv Uitkoff Rusiya Federasiyasına qarşı enerji sahəsində tətbiq olunan sanksiyaların ləğv edilməsinin zəruri olduğunu hesab edir. Bu barədə Politico nəşri məlumat yayıb.

Nəşr yazır ki, Uitkoffun bu təklifi Amerika administrasiyasında ciddi müzakirələrə səbəb olub. Onun fikrincə, enerji sahəsində sanksiyaların davam etməsi həm ABŞ iqtisadiyyatına, həm də qlobal enerji bazarındakı sabitliyə mənfi təsir göstərir.

Bununla belə, Politiconun məlumatına görə, Ağ Evdə Uitkoffun mövqeyini dəstəkləməyən rəsmilər də var. ABŞ-nin Daxili İşlər naziri Duqlas Burnhem hesab edir ki, Rusiya enerji bazarından sıxışdırılmalı və bu sahədə sanksiyalar daha da gücləndirilməlidir.

Mənbə: Caliber

Aytən Ağazadə