Rutte: Hücumlar bir daha göstərir ki, biz Rusiya ilə bağlı sadəlövh ola bilmərik

NATO-nun baş katibi Rutte Ukraynanı Ukraynanın paytaxtı Kiyevə edilən son hücumlarla bağlı sadəlövh olmamağa, uzunmüddətli sülh və özünümüdafiə üçün Ukraynaya bütün dəstəyi verməyə çağırıb. NATO-nun baş katibi Mark Rutte Rusiyanın Kiyevdəki Avropa İttifaqı (Aİ) Nümayəndəliyi binasına da ziyan vuran hücumları ilə bağlı açıqlama verib.

Baş katib deyib: “Dünən gecə Kiyevə qarşı törədilən və çoxsaylı günahsız mülki vətəndaşların ölümünə səbəb olan dəhşətli hücumlar bir daha nümayiş etdirir ki, biz Rusiyaya münasibətdə sadəlövh ola bilmərik”.
Rutte çağırıb: “Biz Ukraynanın özünü müdafiə etmək və davamlı sülhə nail olmaq üçün lazım olan hər şeyə malik olmasını təmin etməliyik”.

Ukrayna prezidenti Vladimir Zelenski Rusiya hərbçilərinin paytaxt Kiyevə endirdiyi hava zərbəsi nəticəsində üçü uşaq olmaqla 14 nəfərin öldüyünü, onlarla insanın yaralandığını açıqlayıb. Hücum nəticəsində Aİ-nin Kiyevdəki nümayəndəliyinin binasına da ziyan dəyib və Rusiyanın Aİ-dəki nümayəndəsi Aİ Xarici Fəaliyyət
Xidmətinə (EEAS) çağırılıb.

Fransa, Almaniya və Böyük Britaniya da hücuma sərt reaksiya verib. Aİ Komissiyasının sədri Ursula fon der Leyen hücumla bağlı ABŞ prezidenti Donald Tramp və Zelenski ilə telefon danışığı apardığını açıqlayıb və Rusiya prezidenti Vladimir Putinin danışıqlar masasına oturmalı olduğunu vurğulayıb.

TRT Haber
Xədicə Məhərrəmli