Saakaşvili İlham Əliyevi təbrik edib

Bu gün Azərbaycan xalqının və bütün Qafqazın böyük oğlu İlham Əliyevin doğum günüdür.

“İnformator.az” xəbər verir ki, bunu Gürcüstanın keçmiş prezidenti Mixail Saakaşvili özünün Feysbuk hesabında yazıb.

“İlham hamımızın arzuladığı hər şeyə nail ola bilib: O, Azərbaycan torpaqlarını azad etdi və sülh yaratdı, Azərbaycanı bir obyektdən dünya siyasətində çox vacib bir subyektə çevirib. 

Müasir tarixdə az sayda dünya lideri bu cür nailiyyətlərlə öyünə bilər. İlham Heydər oğlunun adını tarixə qızıl hərflərlə həkk etdiyini və əsrlər boyu xatırlanacağını söyləmək olar. Prezident İlham Əliyevlə dost olmaq və yaxından əməkdaşlıq etmək imkanım olduğuna görə qürur duyuram. Və bu gün o, bütün xalqın ləyaqətini qorumaqda dürüstlük və sarsılmazlıq nümunəsi göstərir.

Əsl lider məhz belə olmalıdır - axının əksinə getməkdən və nəticə əldə etməkdən çəkinməyən biri. Ona uzun ömür və ölkəsinə firavanlıq arzulayıram”, -Saakaşvili bildirib.