“Sadəcə içəri girib onu götürmək lazımdır” - Netanyahu

“Düşünürəm ki, əməliyyatlar çox şeyə nail olmağa imkan verdi, lakin hələ tamamlanmayıb. Çünki hələ də nüvə materialları, İrandan çıxarılmalı olan zənginləşdirilmiş uran qalmaqdadır”.

“İnformator.az” xəbər verir ki, bunu İsrail Baş naziri Benyamin Netanyahu “CBS News”a müsahibəsində deyib.

“Sıradan çıxarılmalı olan zənginləşdirmə obyektləri hələ də durur. İran tərəfindən dəstəklənən proksi qüvvələr fəaliyyətini davam etdirir. Onların istehsal etmək niyyətində olduqları ballistik raketlər hələ də qalır. Biz onların imkanlarını əhəmiyyətli dərəcədə azaltsaq da, bütün bunlar hələ də mövcuddur və görülməli işlər var”, - deyə o bildirib.

Netanyahu zənginləşdirilmiş uranın İrandan hansı yolla çıxarılmalı olduğu ilə bağlı sualı da cavablayıb: “Sadəcə içəri girib onu götürmək lazımdır. Hərbi imkanları müzakirə etmək niyyətində deyiləm. Uranın çıxarılması müəyyən razılaşmalar əldə edildiyi təqdirdə mümkündür”.