Si Cinpin ASİƏT-in növbəti sammitinin yerini açıqlayıb

2026-cı ildə Asiya-Sakit Okean İqtisadi Əməkdaşlıq Təşkilatının (ASİƏT) sammiti Çinin Şençjen şəhərində keçiriləcək.

"İnformator.az"xəbər verir ki, bu barədə Çin Sədri Si Cinpin forumun Cənubi Koreyada keçirilən bağlanış mərasimində bildirib.

O qeyd edib ki, gələn il Çin ASİƏT forumuna üçüncü dəfə ev sahibliyi edəcək.

Çin Sədri əlavə edib ki, təşkilat liderlərinin 33-cü qeyri-rəsmi görüşü 2026-cı ilin noyabr ayında Şençjendə keçiriləcək.

"Bütün iştirakçılara dəstəklərinə görə təşəkkür edirik. ASİƏT Asiya-Sakit Okean regionunda iqtisadi əməkdaşlıq üçün ən vacib mexanizmdir və regionun böyüməsinə və çiçəklənməsinə mühüm töhfə verib", - Si Cinpin vurğulayıb.