Sibiqa istefaya göndərilir?

Ukrayna xarici işlər naziri Andrey Sibiqanın yaxın zamanda istefaya göndəriləcəyi ilə bağlı yayılan iddialar əsassızdır.

"İnformator.az" xəbər verir ki, bu barədə Ukrayna prezidentinin müşaviri Dmitri Litvin deyib.

"Bu cənabın kadr planları haqqında real məlumata malik olması mümkün deyil, onun heç bir mənbəyi yoxdur", - deyə o vurğulayıb.

Qeyd edək ki, Ukrayna Dünya Siyasəti İnstitutunun İdarə Heyətinin sədri Viktor Şlinçak yaxın zamanda hökumətdə kadr dəyişikliyinin olacağını söyləyib. O, xüsusilə Andrey Sibiqanın XİN rəhbəri vəzifəsindən uzaqlaşdırılaraq Polşaya səfir göndəriləcəyini iddia edib.