Sudanda məscidə PUA zərbəsi endirilib
Sudanın Əl-Faşir şəhərində məscidə pilotsuz uçuş aparatının zərbəsi nəticəsində ölənlərin sayı 78-ə çatıb.
"İnformator.az"ın BBC-yə istinadən verdiyi məlumata görə, hadisədə hərbiləşdirilmiş Çevik Dəstək Qüvvələri günahlandırılır, lakin qruplaşma hadisəyə görə məsuliyyəti öz üzərinə götürməyib.
Çevik Dəstək Qüvvələri və Sudanın nizami ordusu artıq iki ildən çoxdur vətəndaş müharibəsi aparır.
Mənbələr 78 nəfərin öldüyünü və təxminən 20 nəfərin yaralandığını bildirib. Qeyd edilib ki, dağıntılar altından meyitlərin çıxarılması prosesi davam edir.
