Suriyada kürdlərlə tam atəşkəs əldə olunub

Suriya “Suriya Demokratik Qüvvələri” (SDQ) kürd koalisiyasının komandanlığı ilə ölkənin şimalında və şimal-şərqində bütün cəbhə xətti boyunca tam atəşkəs barədə razılığa gəlib.

"İnformator.az" "Axar.az"a istinadən xəbər verir ki, bu barədə Suriya müdafiə naziri Mərhəf Əbu Kəsra məlumat verib.

Onun sözlərinə görə, razılaşma Dəməşqdə SDQ qüvvələrinin komandanı Fərhad Abdi Şahinlə (Məzlum Kobani) görüşdə əldə olunub:

“Biz Suriyanın şimalında və şimal-şərqində bütün istiqamətlərdə və hərbi mövqelərdə hərtərəfli atəşkəs haqqında razılığa gəldik”.