Threads "məxfilik" tənqidlərinin hədəfində
Facebook, Instagram və WhatsApp-ın sahibi Metanın Twitter-ə rəqib olan yeni sosial media platforması Threads-in istifadəyə verilməsi “məxfilik” müzakirələrinə səbəb olub.
İnformator.az Ensonhaber-ə istinadən xəbər verir ki, meta bu yaxınlarda maraqla gözlənilən yeni sosial media platforması Threads-ı işə salıb.
Jurnalist Maykl Şellenberqer Twitter-də etdiyi açıqlamda Threads-in "faktiki olaraq sıfır məxfilik" siyasətini izlədiyini ifadə edərək, Konqresin ya Meta ilə ziddiyyət təşkil etməli və ya şirkətdən daha şəffaf davranmasını tələb etməli olduğunu qeyd edib.
Şellenberqer paylaşımında qeyd edib: "Mark Zuxerberq Twitter kopyası Threads-də istifadəçilərdən pul qazanmaq niyyətində deyil, lakin bu yalandır. Onun biznes modeli bizim məlumatlarımızı reklamçılara satmaqdır."
ABŞ-ın keçmiş prezidenti Donald Trampın müşaviri Stefen Miller Twitter hesabında verdiyi açıqlamada aşağıdakı ifadələrdən istifadə edib:
"İfadə azadlığınızın senzuraya məruz qalmasını və gizliliyinizin istismar edilməsini istəyirsinizsə, Mark Zuxerberqin proqramı tam sizin üçündür."
Mühafizəkar satirik The Babylon Bee jurnalının redaktoru Coel Berri də Twitter-də aşağıdakı ifadələri paylaşıb: "Sizin məlumatlarınızı kəşf edirlər və bəlkə də sizə senzura tətbiq edirlər".
Apple məlumatlarına görə, Threads yer, ad, e-poçt, ünvan, telefon nömrəsi, siyasi və ya dini inanclar, cinsi oriyentasiya, maliyyə vəziyyəti, sağlamlıq vəziyyəti, istifadəçilərinin fotoşəkilləri kimi bir çox məlumatlara giriş imkanına malikdir.
Məryəm
