THY Ermənistana və Romaniyaya iki yeni aviareys açır

Türk Hava Yolları (THY) tərəfindən verilən məlumata görə, şirkət Rumıniyanın Temeşvar şəhərinə və Ermənistanın paytaxtı İrəvana müntəzəm reyslər həyata keçirməyə başlayacaq.

Bu barədə THY-nin KAP-a (Kamuoyunun Aydınladılması Platforması) verdiyi açıqlamada bildirilib:

 “Ortaqlığımızın İdarə Heyəti tərəfindən imkanlar və bazar şərtlərinə əsasən Rumıniyanın Temeşvar şəhərinə və Ermənistanın paytaxtı İrəvana müntəzəm reyslərin başlanması qərara alınıb”.

Yeni reyslərin nə vaxtdan etibarən fəaliyyət göstərəcəyi ilə bağlı əlavə məlumatların yaxın günlərdə açıqlanması gözlənilir. Bu reyslərin açılması həm regional əlaqələrin genişlənməsi, həm də turizm və ticarət sahələrində əməkdaşlığın gücləndirilməsi baxımından əhəmiyyətli addım kimi qiymətləndirilir. Həmçinin, THY-nin bu qərarı, şirkətin beynəlxalq marşrut şəbəkəsini daha da genişləndirmək strategiyasının bir hissəsi hesab olunur.

TRT Haber

Aysun Vəliyeva