Hörmüz boğazında gəmilərin təhlükəsiz keçidini təmin edən Amerika hərbi gəmilərinə hücum ediləcəyi təqdirdə İran “yer üzündən silinəcək”.

Bunu ABŞ Prezidenti Donald Tramp “Fox News”a müsahibəsində bildirib.

ABŞ lideri regionda hərbi gücün artırılmasının davam etdiyini də vurğulayıb.

“Bizim əvvəlkindən daha çox və daha yüksək keyfiyyətli silah və sursatımız var. Daha yaxşı texnikamız var. Dünyanın hər yerində resurslarımız və hərbi bazalarımız mövcuddur. Onların hamısı təchiz olunub. Lazım gələrsə, bütün bunlardan istifadə edə bilərik və istifadə edəcəyik”, - deyə Tramp əlavə edib.