Tramp: Vaşinqton 14 gün ərzində günahsız bölgə olacaq

ABŞ Prezidenti Donald Tramp, paytaxt Vaşinqtonda təhlükəsizliyi təmin etmək və cinayət səviyyəsini azaltmaq məqsədilə elan etdiyi “ictimai təhlükəsizlik fövqəladə vəziyyətinin” nəticələrini açıqlayıb. O bildirib ki, bu qərardan sonra şəhərdə avtomobil qaçırma (oğurluq) cinayətləri 87 faiz azalıb.

Tramp sosial media hesabında yazıb ki, Vaşinqtonda təhlükəsizliyi artırmaq və cinayətlərin qarşısını almaq üçün görülən tədbirlər nəticəsində “digər bütün cinayət kateqoriyalarında da əhəmiyyətli dərəcədə azalma müşahidə olunub”.

Prezidentliyə gəldiyi gündən Tramp, Vaşinqtonun yerli rəhbərliyini cinayət və evsizliklə mübarizədə uğursuzluqda günahlandırıb. O, dəfələrlə vurğulayıb ki, paytaxtda cinayət halları artıb və şəhər təhlükəsiz, təmiz və yaşamaq üçün əlverişli məkana çevrilməlidir.

Tramp əvvəllər də Vaşinqtonun idarəçiliyinin federal hökumətə verilməsini təklif edib. 11 avqustda qəbul etdiyi qərarla isə o, “Vaşinqtonda təhlükəsizliyi təmin etmək və evsizləri küçələrdən yığışdırmaq” adı altında şəhər polis bölməsini federal nəzarət altına alıb və şəhərə təxminən 800 Milli Qvardiya əsgəri yerləşdirib.

TRT XƏBƏR 

Nuray Əliyeva