TRT Qəzzadakı çadır şəhərlərdən görüntülər yayımlayıb
İsrailin hücumlarını davam etdirdiyi Qəzzada yeganə türk telekanalı olan TRT bölgədəki humanitar böhranı işıqlandırıb. Kanalın müxbiri Əbdülvahab Həməd Deyr əl-Bələh çadır şəhərciyindən canlı bağlantıda yüz minlərlə fələstinlinin dəfələrlə məcburi köçkünə çevrildiyini bildirib.
O, insanların ən böyük ehtiyaclarının su, yemək və sığınacaq olduğunu vurğulayıb. Həmçinin BMT-nin məlumatına görə, İsrail son altı ay ərzində bölgəyə humanitar yardımın daxil olmasına mane olur.
Qəzzalıların həyat mübarizəsi çadırlarda davam edərkən, İsrailin hücumları aramsız şəkildə sürür.
TRT XƏBƏR
Türkan Kərimli