Dünya Səhiyyə Təşkilatının hantavirusun aşkarlandığı MV Hondius gəmisindən ayrılan sərnişinlər arasında Türkiyə vətəndaşlarının da olduğunu açıqlamasından sonra Türkiyə Səhiyyə Nazirliyi bəyanat yayıb.

Nazirlik mayın 8-də yaydığı açıqlamada vəziyyətin nəzarət altında saxlanıldığını bildirib.

Açıqlamada qeyd olunub:

“Ölkəmizdə indiyədək hantavirusla bağlı təsdiqlənmiş yoluxma halı qeydə alınmayıb”.

Tedros Adhanom Ghebreyesus mayın 7-də bildirib ki, indiyədək 3-ü ölüm olmaqla 8 yoluxma halı qeydə alınıb. Bu hallardan 5-i təsdiqlənib, 3-ü isə şübhəli hesab olunur.

Ədilə Hüseynzadə