Türkiyə və İran arasında Hörmüzlə bağlı razılaşma

Türkiyəyə məxsus gəmi İrandan razılıq aldıqdan sonra Hörmüz boğazından keçib.

"İnformator.az" xəbər verir ki, bu barədə Türkiyənin nəqliyyat naziri Abdulkadir Uraloğlu bildirib.
 

Uraloğlunun sözlərinə görə, bu, İran yaxınlığında gözləyən Türkiyəyə məxsus 15 gəmidən biridir.

“Orada 15 gəmi vardı, İran limanından istifadə edən gəmilərdən biri üçün Tehrandan icazə aldıq və qəbul edildi”, - nazir qeyd edib.

ABŞ-İsrail hücumlarına cavab olaraq, İranın İnqilab Keşikçiləri Korpusu (SEPAH) Hörmüz boğazından keçən istənilən gəmiyə hücum etməklə hədələyib.