Ukrayna nümayəndələri ABŞ-də təhlükəsizlik müzakirələri aparacaq

Ukrayna nümayəndə heyəti təhlükəsizlik təminatlarını müzakirə etmək üçün İsveçrəyə, oradan da ABŞ-yə yollacaq.

"İnformator.az" xəbər verir ki, bu barədə Ukrayna lideri Volodimir Zelenski Telegram kanalında məlumat verib.

Zelenski bildirib: “Sabah İsveçrədə, cümə günü ABŞ-də görüşlər olacaq. Hərbi, siyasi, iqtisadi komponentlər üzrə müzakirələr nəzərdə tutulub”.

Qeyd edək ki, daha əvvəl ABŞ prezidentinin xüsusi nümayəndəsi Stiven Uitkoff Nyu-Yorkda Ukrayna nümayəndələri ilə görüş keçirəcəyini açıqlamışdı.