Ukraynaya silah tədarükü dayandırılır? - Rutte açıqlayıb

Avqustun 15-də Alyaskada baş tutacaq ABŞ-Rusiya sammitinin nəticəsindən asılı olmayaraq, Amerikanın Ukraynaya Avropa ölkələri hesabına silah tədarükü davam edəcək.

"İnformator.az" xəbər verir ki, bu sözləri NATO Baş katibi Mark Rutte CBS Nyus telekanalına müsahibəsində məsələ ilə bağlı sualı cavablandırarkən deyib.

"Beləliklə, bizim artıq Niderland, daha sonra isə skandinaviyalıların öz üzərinə öhdəlik götürdüyü ilk iki paketimiz var. Yaxın günlərdə və həftələrdə əlavə açıqlamalar gözləyirəm. Və bu son dərəcə vacibdir", - Rutte əlavə edib.