Vaqif Sadıqov “Sabah” və “Araz-Naxçıvan”dan gözləntilərini bölüşüb

“Sabah”ı hər oyunda çox qol vuran, “Araz-Naxçıvan”ı isə ilklərə imza atan avrokubok təmsilçimiz kimi qələmə verə bilərik. Düşünürəm, hər iki Azərbaycan klubunun mərhələni adlamaq şansları var”.

"İnformator.az" "Teleqraf"a istinadən bildirib ki, bunu açıqlamasında AFFA Məşqçilər Komitəsinin sədri, veteran futbolçu Vaqif Sadıqov UEFA Konfrans Liqasının III təsnifat mərhələsində bu gün baş tutacaq “Araz-Naxçıvan” – “Omoniya” (Kipr) və “Levski” (Bolqarıstan) – “Sabah” oyunu barədə danışarkən deyib.

Təcrübəli mütəxəssis Azərbaycan klublarının ilk görüşdən müsbət nəticə əldə edə biləcəyinə inamını bildirib: “Sevindirici haldır ki, hər iki klub mərhələ adlayaraq bizi sevindirir. Ötən oyunlardakı performans və göstərilən oyun ümid verir. Hesab edirəm ki, “qırmızı-ağlar” da, “bayquşlar” da rəqiblərini üstələyə bilərlər”.