Venesuela Prezidenti hərəkətə keçib
Venesuela Prezidenti Nikolas Maduro, ABŞ-nin ölkəsini işğal etməyə təşviq edən müxaliflərin vətəndaşlıqdan çıxarılması üçün konstitusion iş aparılacağını açıqlayıb.
Bu arada, ölkənin Sucre və Delta Amacuro ştatlarını ziyarət edən Maduro, Trinidad və Tobaqo hökumətini ABŞ-yə boyun əyməkdə ittiham edib. Maduro deyib:
“Biz qardaşıq, sülh üçün birləşək. Qrinqlərin (ABŞ-nin) Karib dənizində müharibə başlamasına imkan verməyək. Budur, qardaş əllərimiz — Trinidad və Tobaqo birləşmiş xalqlardır. Yaxşı qonşuluq, rifah və əməkdaşlıq naminə birləşək".
ABŞ hökumətinin regionda fitnə, intriqa, nifrət və yad düşmənçiliyi toxumları əkdiyini vurğulayan Maduro, Vaşinqton rəhbərliyinin məqsədinin qonşu ölkələri bir-birinə qarşı qoyaraq müharibə yaratmaq olduğunu bildirib.
Digər tərəfdən, Maduro, ABŞ Mərkəzi Kəşfiyyat İdarəsi (CIA) tərəfindən həyata keçirildiyi iddia edilən bir planın uğursuzluğa düçar olduğunu irəli sürüb. Maduronun sözlərinə görə, CIA ABŞ-nin Trinidad və Tobaqodakı hərbi gəmilərinə hücum təşkil etməyi və bu hücumun günahını Venesuelanın üzərinə atmağı planlaşdırıb.
Maduro bu iddiaya münasibət bildirərək deyib:
“Pisliyi ilə tanınan CIA, ABŞ-yə məxsus gəmilərə hücum edəcəkdi. Bəs günahı kimin üzərinə atacaqdılar? Venesuelanın. Niyə? Çünki qardaş xalqlar arasında qarşıdurma və hərbi gərginliyi əsaslandırmaq üçün".
Haberler.com
Aygün Babayeva
