Yunanıstanda meşə yanğınları genişlənir

Yunanıstanda meşə yanğınları səbəbindən fövqəladə vəziyyət yaşanır. Afina yaxınlığında yanğınla mübarizə aparan helikopter su toplamağa çalışarkən dənizə düşüb.

Üç heyət üzvü xilas edilərək xəstəxanaya yerləşdirilib. Korinf şəhəri yaxınlığında baş verən böyük yanğın bir neçə kəndin təxliyəsinə səbəb olub. Yanğınsöndürmə işlərinə 180-dən çox yanğınsöndürən, 15 təyyarə və 12 helikopter cəlb edilib. İyul ayının ortalarında temperaturun 40 dərəcəyə çatması vəziyyəti daha da çətinləşdirib. Yunanıstan hökuməti bu yay rekord sayda yanğınsöndürən və ikiqat artırılmış dron donanması ilə mübarizəyə hazır olduğunu bildirib. Avropa qitəsi 1980-ci illərdən bəri qlobal orta göstəricidən iki dəfə sürətlə istiləşir. Mütəxəssislər iqlim dəyişikliyinin yanğınların artmasına səbəb olduğunu bildirir.

Euronews
Billurə Quliyeva